زائر
زائر
 | | موضوع: تطور الزواج في مصر.....هاهااهاها الجمعة أغسطس 29, 2008 11:49 pm | |
|
مصر الفرعونية
بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان
هدية.. مبروك يا تاح
مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا
مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى
خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح
مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه انت ح تتجوز والا تخبص
حاضر يابا
مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى
مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك
وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما
مصر 2006
البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه
وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى
على الضيق كده وانا جيت اعزمك انت
ومامى
الاب: مبروك يا حبيبتى
مصر 2008
بابا هو المصرين اليومين دول ما بيخلفوش رجاله
ليه يابنتى مالشباب مالى الشارع
يا بابا أنا أقصد رجاله بتتجوز
لا يا بنتى دى موضه قديمه أنتهت سنة 2006 يله أنزلى أقفى في الطابوربتاع العيش ربنا يرزقك الشهادة زى فيفى بنت عمك وسوسو بنت خالك
|
|
islamway
مشرف قسم المنتدى العام
المساهمات : 239
تاريخ التسجيل : 04/05/2008
العمر : 46
| | موضوع: رد: تطور الزواج في مصر.....هاهااهاها السبت أغسطس 30, 2008 12:41 am | |
| حقا هذه هى الحقيقه
ويعتبر الزواج أكبر عائق يواجه الشباب هذه الايام
كما أنه سبب رئيسى فى كثير من الجرائم والافعال التى لم يقرها لا الشرع ولا القانون
اتمنى ان تعود الامه الى صوابها ولن يكون هذا الا بالرجعوع الى كتاب الله وسنة رسوله
عدل سابقا من قبل islamway في السبت أغسطس 30, 2008 7:16 pm عدل 1 مرات | |
|
زائر
زائر
| | موضوع: رد: تطور الزواج في مصر.....هاهااهاها السبت أغسطس 30, 2008 1:12 am | |
| فعلا الزواج على الطريقه العصريه حبيبتى لبنى انتى كل الى عملتيه انك وصفتى الواقع بتاعنا باسلوب ساخر وجميل برافوا عليكى تقبلى منى تلك الباقه ةمن الورد  |
|
هدى محمد
مشرف الاستراحه
المساهمات : 218
تاريخ التسجيل : 29/04/2008
| | موضوع: رد: تطور الزواج في مصر.....هاهااهاها الأحد أغسطس 31, 2008 3:21 am | |
| بارك اللهع فيك حبيبتى لبنى
فعلا اسلوب ساخر يعرض الوضع الحالى اللى البلد فيه
وياريت نرجع لكتاب الله وسنته فى مواضيع الزواج
وخصوصا قول رسول الله صلى الله عليه وسلم
ان جاءكم من ترضون
دينه وخلقه فزوجوه ' | |
|
hadwa
المشرف العام
المساهمات : 1327
تاريخ التسجيل : 28/03/2008
العمر : 45
| | موضوع: رد: تطور الزواج في مصر.....هاهااهاها الإثنين سبتمبر 08, 2008 1:50 am | |
| بارك الله فيك بجد طرحتى الموضوع بطريقه رائعه ومتفهمه للواقع الاليم وفى نفس الوقت ضحكتينى
ربنا يبارك فيك
جزاك خيرا | |
|
